Արդեն ավելի քան 20 տարի է «Եվրոստան ՈւՅՈՒՏ» ընկերությունը ծավալում է արտադրական, շինարարական, առևտրային և զբոսաշրջային գործունեություն՝ զբաղեցնելով առաջատար դիրք Հայաստանի տնտեսության մի շարք ոլորտներում: Ընկերությունն առաջիններից է սկսել Հայաստանում ներդնել եվրոպական շինարարական տեխնոլոգիաներն ու եվրոպական շինարարական մշակույթը:
Ճարտարապետության և դիզայնի ոլորտի բազմամյա փորձը թույլ տվեց հիմնադիրներին նախաձեռնել նոր բիզնես և 2017 թվականին Երևանի կենտրոնում կառուցել ժամանակակից բիզնես կենտրոն (Դեմիրճյան 2/3 փող.): Շենքի ընդհանուր մակերեսը կազմում է 4,200մ2, ունի 3 վերգետնյա հարկ, որոնք նախատեսված են գրասենյակային տարածքների վարձակալության համար, 2 ստորգետնյա հարկ, որոնցից մեկը նախատեսված է տպագրատան համար, իսկ երկորդը` 20 մեքենայի ավտոկայանատեղի է:
Ընկերության սեփականատերերը մանրակրկիտ ուսումնասիրել և ընտրել են շենքի ինժեներական համակարգերը` նախապատվություն տալով բարձր արդյունավետությամբ տեխնոլոգիաներին և սարքավորումներին: Օրինակ, շենքում տեղադրվել են էներգախնայող պատուհաններ և ապակեփաթեթներ, ավտոմատ համակարգով աշխատող ջերմախնայող դռներ, և Էներգախնայող մարդատար վերելակ: Կարևոր է նաև առանձնացնել, որ ընկերությունը շենքի ջեռուցման համար նախընտրել է օգտագործել ժամանակակից VRF համակարգ, ի հակադրություն ավանդական` բնական գազով աշխատող համակարգերի:
Ավելին, ջերմության օգտահանումով VRF համակարգը հնարավորություն կտա ընկերությանը միջսեզոնային ժամանակահատվածում (գարուն, աշուն) առավել արդյունավետ օգտագործել էլեկտրաէներգիան, քանի որ շենքի գրասենյակային հատվածում տեղադրված կլիմայի կառավարման համակարգը ունի հատուկ ռեժիմներ: Մասնավորապես, ապակեպատված մեծ մակերեսի և գրասենյակային սարքավորումներից ջերմային անջատումների բարձր մակարդակի պատճառով, հաճախ միջսեզոնային ժամանակահատվածում անհրաժեշտ է լինում միաժամանակ կիրառել և՛ ջեռուցման, և՛ հովացման գործառույթները, կախված գրասենյակի դիրքից (հյուսիս, հարավ):
| Հաճախորդ՝ | Եվրոստան բիզնես կենտրոն, «Դեմիրճյան 2/1» ՓԲԸ |
| Բիզնես գործունեություն՝ |
Գրասենյակային տարածքների վարձակալություն |
|
Էներգաարդյունավետ ներդրում՝ |
Վարկի ընդհանուր արժեքը՝ 186 միլիոն ՀՀ դրամ
|
|
Ներդրման ազդեցությունը էներգախնայողության |
|
|
Լրացուցիչ առավելություններ՝ |
|